គួរឲ្យអាណិតខ្លាំងណាស់! ស្រ្តីម្នាក់ខំរកស៊ីសន្សំលុយបាន ៣០០០ដុល្លា ភ្លេ​ចខ្លួនតែមួយភ្លែតត្រូវ​ចោលចូលលួចទៅបាត់ សំខា​ន់លុយនេាះសន្សំទុកបង់ធនាគា…(មានវីដីអូ)

0
158

រាជធានី​ភ្នំពេញ ៖ ពិតជា​គួរ​ឲ្យ​អាណិត​ស្ត្រី​ម្នាក់​យ៉ាង​ខ្លាំង ​ដែល​ខំ​រកស៊ី​សន្សំ​លុយ​បាន​ជាង​៣​ពាន់​ដុល្លារ ដាក់​នៅ​ក្នុង​កាបូប​មួយ​ទុក​ក្នុង​តូប​លក់ដូរ ដែល​ប្រាក់​នេះ​ទុក​សម្រាប់​បង់​បំណុលធនាគារ​នៅ​ថ្ងៃ​ខាង​មុខ ស្រាប់តែ​ភ្លេចខ្លួន​មួយ​ភ្លែត​ប៉ុណ្ណោះ ត្រូវ​ចោរ​ម្នាក់​ចូល​ទៅ​លួច​យក​រួច​គេចខ្លួន​បាត់​ស្រមោល​ទៅ ។ ហេតុការណ៍​នេះ​បាន​កើតឡើង​កាលពី​វេលា​ម៉ោង​៩​និង​៤៥​នាទី​ព្រឹក​ថ្ងៃ​ទី​៨ វិ​ច្ឆិ​កា ឆ្នាំ​២០២០ នៅ​ក្នុងភូមិ​ពង្រ សង្កាត់​ឪឡោក ខណ្ឌ​កំ​បូល រាជធានី​ភ្នំពេញ ។
ប្រភពបន្តថា រយៈពេល​ប្រមាណ​កន្លះ​ម៉ោង​ក្រោយមក ​ទើប​នឹកឃើញ​កាបូប​លុយ ក៏​ដើរ​ចូល​ទៅ​មើល​ស្រាប់តែ​បាត់​មិនឃើញ​ទើប​មានការ​ឆោឡោ​ ហើយ​ឆែក​កាមេរ៉ា​សុវត្ថិភាព​មើលឃើញ​ជន​សង្ស័យ​​​ម្នាក់​ជិះ​ម៉ូតូ​ម៉ាក​ហុងដា ធុន​សេ​១២៥ ស៊េរី​ឆ្នាំ​២០១៥ ពណ៌​ខ្មៅ កាំ​បន្ទះ​ពណ៌​ស ១​គ្រឿង ទៅ​ឈប់​ជិត​នោះ​រួច​ដើរ​ចូល​ទៅ​ធ្វើ​សកម្មភាព​លួច​យក​កាបូប​លុយ​ហើយ​ជិះ​ម៉ូតូ​គេចខ្លួន​បាត់​ស្រមោល​តែ​ម្ដង ។

ស្ត្រី​ខាងលើ​ ឈ្មោះ​លី ស្រី​នាង អាយុ​៣១​ឆ្នាំ បាន​រៀបរាប់​ដោយ​ការ​សោកស្តាយ​ថា នៅ​ក្នុង​កាបូប​ដែល​ចោរលួច​យក​ទៅ​នោះ​រួម​មាន​លុយ​ជាង​៣​ពាន់​ដុល្លារ កាត​ទូរស័ព្ទ​និង​អត្តសញ្ញាណប័ណ្ណ​សញ្ជាតិ​ខ្មែរ​ផង​ដែរ ។ស្ត្រី​រូប​នេះ​បាន​បន្ត​ឲ្យ​ដឹង​ទៀត​ថា កាលពី​វេលា​ល្ងាច​ថ្ងៃ​ទី​៧ ខែវិច្ឆិកា ឆ្នាំ​២០២០ នាង​និង​ប្ដី​បាន​ទៅ​ចូលរួម​ពិធី​មង្គលការ​សាច់ញាតិ ។ ដោយសារ​តែ​អត់​មាន​អ្នក​នៅ​ចាំផ្ទះ​នាង​បាន​សម្រេច​យក​លុយ​ជាង​៣​ពាន់​ដុល្លារ​ដែល​សន្សំ​បម្រុង​ទុក​បង់​ធនាគារ នៅ​ក្នុង​ទូ មក​ដាក់​ចូល​ក្នុង​កាបូបស្ពាយ​យក​ទៅ​តាម​ខ្លួន​ដោយ​មិន​ហ៊ាន​ទុក​ចោល​នៅផ្ទះ​ឡើយ ព្រោះ​ខ្លាច​បាត់បង់ ។
លុះ​ក្រោយ​ពេល​ត្រឡប់​មក​ដល់​ផ្ទះ​វិញ​បាន​នាំ​គ្នា​ចូល​ដេក​និង​ពុំ​បាន​យក​លុយ​នោះ​ទុក​នៅ​កន្លែង​ដើម​វិញ​ទេ រហូត​ដល់​ព្រឹក​ថ្ងៃ​ទី​៨ ខែវិច្ឆិកា ដែល​ជា​ថ្ងៃ​កើតហេតុ​ក៏​ពុំ​បាន​យក​លុយ​ទុក​ក្នុង​ទូ​វិញ​ដែរ​នាង​បាន​ស្ពាយ​ជាប់​ខ្លួន​រហូត ។ ប្រភព​ដដែល​បាន​បន្ត​ទៀត​ថា ក្រោយមក​នាង​ដោះ​កាបូប​ដាក់​លើ​ខ្នង​ទូ​ក្នុង​តូប​លក់ដូរ​រួច​បាន​ដើរទៅ​ខាងក្រោយ​រៀបចំ​យក​ម៉ូតូ​ជិះ​ជូន​កូន​ទៅ​ផ្ទះ​ដែល​ស្ថិត​នៅ​ក្នុង​បរិវេណ​ដី​ឡូត៍​តែ​មួយ​នោះ​ដែរ ប៉ុន្តែ​បញ្ឆេះ​ម៉ូតូ​អត់​ឆេះ​សោះ ហើយ​ក៏​មិន​បាន​ត្រឡប់​មក​តូប​វិញ​ភ្លាម​ៗ​ដែរ ។តាម​រូបភាព​នៅ​ក្នុង​កាមេរ៉ា​សុវត្ថិភាព​បាន​បង្ហាញ​ថា ជនសង្ស័យ​វ័យក្មេង​មាន​អាយុ​ប្រមាណ​ជាង​២០​ឆ្នាំ ពុំ​មាន​ពាក់​ម៉ាស់​បិទមុខ​ឡើយ ហើយ​ម៉ូតូ​នោះ​ត្រូវ​បាន​កាមេរ៉ា​សុវត្ថិភាព​ថត​ជាប់​ផ្លា​ក​លេខ​ថែម​ទៀត​ផង​ដែល​សង្ឃឹមថា នគរបាល​ខណ្ឌ​កំ​បូល​អាច​និង​ស្រាវជ្រាវ​រកមុខ​សញ្ញា​ចោរ​រូប​នោះ​ឃើញ​មិន​ខាន​ឡើយ ។ ចំណែក​ជន​រង​គ្រោះជា​ស្ត្រី​ក៏​បាន​ដាក់​ពាក្យបណ្ដឹង​រួចរាល់​ហើយ​ដែរ ៕​ ប្រភព កោះសន្តិភាព