អាវុធហត្ថ​រាជធានី​ភ្នំពេញ ឃាត់ខ្លួន ១៣​នាក់ ពាក់ព័ន្ធ​ករណី​គ្រឿងញៀន

0
88

រាជធានី​ភ្នំពេញ ៖ មុខសញ្ញា​ចែកចាយ និង​ប្រើប្រាស់​សារធាតុ​ញៀន​ខុសច្បាប់ ត្រូវ​បាន​កម្លាំង​មូលដ្ឋាន នៃ​កងរាជអាវុធហត្ថ​ខណ្ឌទួលគោក ចុះ​ធ្វើការ​បង្ក្រាប​ជាក់ស្តែង ដោយ​ឃាត់ខ្លួន​បាន​ជនសង្ស័យ​ចំនួន​១៣​នាក់ ( ស្រី ០៣​នាក់​) ព្រមទាំង​ដកហូត​វត្ថុ​តាង​គ្រឿងញៀន ជាង ៣៧​កញ្ចប់​តូច​ធំ និង​សម្ភារ​សម្រាប់​សេព មួយ​ចំនួន​ទៀត​ផង​ដែរ ។ការ​បង្ក្រាប​នេះ​ធ្វើ​ឡើង​កាលពី​វេលា​ម៉ោង​២០​និង​១០​នាទី ថ្ងៃ​ទី​០៤ ខែវិច្ឆិកា ឆ្នាំ​២០២០ ស្ថិត​នៅ​ចំណុច​ផ្លូវ​២៣៤ សង្កាត់​ផ្សារ​ដើម​គរ ខណ្ឌទួលគោក ។
បច្ចុប្បន្ន​ជនសង្ស័យ​ទាំង​១៣​នាក់ ត្រូវ​បាន​បញ្ជូន​ទៅ​ការិយាល័យ​ស្រាវជ្រាវ​បទល្មើស​គ្រឿងញៀន នៃ​កងរាជអាវុធហត្ថ​រាជធានី​ភ្នំពេញ ដើម្បី​ធ្វើការ​សាកសួរ និង​កសាង​សំណុំរឿង បញ្ជូន​ទៅ​តុលាការ​ផ្តន្ទាទោស​តាម​នីតិវិធី​ច្បាប់ ៕

ប្រភព Koh Sentepheap